Bar Siarhieja Žukava z hrupy «Ruki vvierch!» adkryvajecca i ŭ Minsku

Uviečary 4 śniežnia ŭ Minsku adkryvajecca bar «Ruki VVierch!» — ustanova, źviazanaja z rasijskim muzykam Siarhiejem Žukavym, paviedamiŭ koko.by.

Fota: koko.by

Bar raźmieščany na pieršym paviersie biźnies-centra «Elit Estejt» na praśpiekcie Niezaležnaści pobač z cyrkam. Pieršapačatkova jaho płanavali adkryć jašče ŭ vieraśni.

Ustanova zajmaje kala tysiačy kvadratnych mietraŭ: tam budzie dyskateka z chitami 90-ch, vialikaja scena dla vystupleńniaŭ zaprošanych artystaŭ i karaokie. Usie stravy abiacajuć pradavać pa 20 rubloŭ.

Sietka baraŭ «Ruki VVierch!» viadomaja tym, što robić staŭku na nastalhiju pa 1990‑ch i 2000-ch: u interjery — ścieny z dyvanami, kasiety, barsietki i inšyja atrybuty tych časoŭ. U takim ža samym styli padabranyja mieniu i karaokie-płejlist. Novyja bary zvyčajna adkryvajuć pavodle franšyzy.

Pieršy bar sietki Siarhiej Žukaŭ razam z restarataram Paŭłam Časnakovym adkryli ŭ Sankt-Pieciarburhu ŭ 2012 hodzie. Pieršaja ž ustanova hetaj sietki ŭ Biełarusi zapracavała hetaj vosieńniu ŭ Mahilovie.

Kamientary da artykuła