Kiełah nazvaŭ dva pytańni, jakija patrebna vyrašyć, kab zrušylisia pieramovy pa Ukrainie
Śpiecpasłańnik prezidenta ZŠA Kit Kiełah zajaviŭ, što ździełka pa Ukrainie znachodzicca na finišnaj pramoj. I nazvaŭ dva punkty, jakija zaminajuć zaklučyć pahadnieńnie.
Kit Kiełah. Fota: Dursun Aydemir / Anadolu via Getty Images
Śpiecpradstaŭnik Trampa, jaki sychodzić z pasady, kaža, što niavyrašanymi zastajucca pytańni prynaležnaści Zaparožskaj AES i Danieckaj vobłaści.
«Apošnija 10 mietraŭ da mety samyja ciažkija… Ja nasamreč miarkuju, što nam zastalisia niekalki pytańniaŭ, a mienavita Danieckaja vobłaść i Zaparožskaja AES. Dumaju, kali my ŭrehulujem hetyja dva pytańni, astatniaje taksama vydatna składziecca», — zajaviŭ Kiełah na forumie ŭ centry Rejhana ŭ Kalifornii.
Kiełah taksama dadaŭ, što Vašynhton nie budzie nakiroŭvać svaich vajskoŭcaŭ na terytoryju Ukrainy.
U jakaści mahčymych instrumientaŭ cisku na Rasiju śpiecpasłańnik nazvaŭ ekanamičnyja miery. Da ich jon u jakaści prykładu adnios baraćbu z «cieniavym fłotam».