U rasijskim horadzie zachacieli pastavić pomnik «siamji sałdata SVA». Ale žycharoŭ prajekt nie natchniŭ

U Troicku Čalabinskaj vobłaści miascovy skulptar Alaksandr Cimafiejeŭ prapanavaŭ uładam pastavić u horadzie pomnik «Siamja sałdata SVA» ułasnaj vytvorčaści. Adnak mer horada Dmitryj Hataŭ na siabie adkaznaść za rašeńnie nie ŭziaŭ i vyrašyŭ daviedacca mierkavańnie žycharoŭ, piša miascovaje vydańnie 74.ru.

Prajekt pomnika. Fota: Administracyja horada Troicka

Pomnik płanavałasia raźmiaścić na vulicy Lenina, kala budynka savieta vieteranaŭ. Ale haradžanie, pabačyŭšy prajekt, rezka raskrytykavali rabotu. U kamientaryjach skulpturu nazyvali «hrubavataj», «nieprapracavanaj», a niekatoryja navat vykazvali dumku, što jaje zrabiŭ čałaviek biez navykaŭ. Zhadvali taksama, što ŭ tvory «niama dušy».

U vyniku 68,4% udzielnikaŭ hałasavańnia vystupili suprać ustalavańnia pomnika. Ułady Troicka zajavili, što ŭličać vyniki apytańnia padčas dalejšaj pracy nad uparadkavańniem haradskoj prastory.

Kamientary da artykuła