U Padmaskoŭi školnik z nažom napaŭ na dziaciej
U škole ŭ pasiołku Horki-2 Adzincoŭskaha rajona padletak, uzbrojeny nažom, napaŭ na vučniaŭ i supracoŭnikaŭ ustanovy.
Skryn videa z zatrymańniem
Pavodle «Bazy», adno dzicia zahinuła. Pavodle infarmacyi SHOT, napadnik zabiŭ čaćviortakłaśnika. Roznyja krynicy paviedamlajuć pra troch abo čatyroch paranienych, siarod jakich mohuć być achoŭnik i vučni. Aficyjna infarmacyja nie paćvierdžana.
Na miesca zdareńnia prybyŭ śpiecyjalny atrad. Kabiniet, u jakim jon zamknuŭsia z adnym z vučniaŭ-zakładnikam, uziaŭ šturmam śpiecnaz.
Napadnika zatrymali. Pa dadzienych SHOT, im akazaŭsia 15‑hadovy dzieviacikłaśnik hetaj ža elitnaj Uśpienskaj škoły.
Paviedamlajecca, što chłopiec zrabiŭ sełfi na fonie zabitaha chłopčyka.
Na futbołcy ŭ napadnika bybło napisana «No Lives Matter» — ničyje žyćci nie važnyja.
Pra pryčyny napadu pakul nie paviedamlajecca.
Učora ŭ Pieciarburhu 15‑hadovy školnik napaŭ z nažom na nastaŭnicu.