U suviazi z napadam školnika na vučniaŭ u Padmaskoŭi ŭzmacniajuć miery biaśpieki ŭ škołach Biełarusi
Ŭčora ŭ škole ŭ pasiołku Adzincoŭskaha rajona padletak, uzbrojeny nažom, napaŭ na vučniaŭ i supracoŭnikaŭ ustanovy. Jon zabiŭ čaćviortakłaśnika i paraniŭ troch čałaviek. U suviazi trahiedyjaj MUS prymaje dadatkovyja miery pa biaśpiecy va ŭstanovach adukacyi Biełarusi, paviedamlaje pres-słužba ministerstva.
Skryn videa zatrymańnia padletka ŭ pasiołku Adzincoŭskaha rajona
Kiraŭnik viedamstva daŭ šerah kankretnych daručeńniaŭ. U pryvatnaści, načalniku Departamienta achovy MUS pastaŭlena zadača ŭzmacnić pilnaść vartavoj achovy ŭ škołach, prakantralavać spraŭnaść techničnych srodkaŭ abarony.
Asablivaja ŭvaha źviernuta na nieabchodnaść imhniennaha reahavańnia naradaŭ pry pastupleńni sihnałaŭ tryvohi.
Načalniku Hałoŭnaha ŭpraŭleńnia achovy pravaparadku i prafiłaktyki daručana pravieści instruktažy z administracyjami škoł pa dziejańniach pry ŭźniknieńni nadzvyčajnych situacyj. Supracoŭnikam inśpiekcyj pa spravach niepaŭnaletnich — indyvidualnuju pracu z navučencami, jakija stajać na prafiłaktyčnym uliku.