Saviet Respubliki ŭchvaliŭ zakonaprajekt ab respublikanskim biudžecie na 2026 hod
Na pasiadžeńni čaćviortaj siesii Savieta Respubliki byŭ uchvaleny zakonaprajekt «Ab respublikanskim biudžecie na 2026 hod», piša BiełTA.
«Prajekt biudžetu farmiravaŭsia va ŭmovach, jakija patrabujuć asablivaj adkaznaści i dalnabačnaści, pry nie samaj prostaj źniešniaj kanjunktury. Za asnovu byŭ uziaty scenaryj sacyjalna-ekanamičnaha raźvićcia, zaćvierdžany ŭkazam Łukašenki 3 listapada 2025 hoda.
Dachody respublikanskaha biudžetu na 2026 hod zapłanavanyja ŭ abjomie 54,4 młrd rubloŭ. Bolš važnym źjaŭlajecca toj fakt, što dachody rastuć tempami 112% da čakanaha ŭzroŭniu 2025 hoda, apieradžajučymi tempami ŭ paraŭnańni z raschodami», — skazaŭ staršynia Pastajannaj kamisii pa ekanomicy, biudžecie i finansach Savieta Respubliki Raman Brodaŭ.
Pry hetym raschody respublikanskaha biudžetu składuć 58,7 młrd rubloŭ. «42% raschodaŭ kansalidavanaha biudžetu buduć skancentravanyja ŭ sacyjalnaj śfiery», — adznačyŭ Raman Brodaŭ.