DAI papiaredziła, što praz UNS kiroŭcy ŭ Minsku dva dni nie buduć mieć spakoju
Dziaržaŭtainśpiekcyja papiaredziła žycharoŭ Minska pra mahčymyja karotkačasovyja abmiežavańni ruchu 18 i 19 śniežnia. Jany źviazanyja z praviadzieńniem u hetyja daty Usiebiełaruskaha narodnaha schodu.
Zdymak ilustracyjny. Fota: «Minsk-Naviny»
Pavodle infarmacyi DAI, na centralnych vulicach i praśpiektach stalicy mahčymyja časovyja zatrymki ŭ ruchu transpartu. Heta abumoŭlena pieramiaščeńniem arhanizavanych kałon u supravadžeńni aŭtamabilaŭ DAI, jakija harantujuć biaśpiečnuju dastaŭku delehataŭ na aŭtobusach. U inśpiekcyi adznačyli, što maršruty ruchu pastaralisia spłanavać tak, kab minimizavać zatory.
Taksama paviedamlajecca, što pad uzmocnieny kantrol voźmuć MKAD, asnoŭnyja haradskija mahistrali i prylehłyja da ich vulicy.
Akramia taho, MUS pryniało pastanovu ŭzmacnić miery biaśpieki va ŭsim Minsku. Ministr unutranych spraŭ Ivan Kubrakoŭ rasparadziŭsia arhanizavać kruhłasutačnuju achovu, załučyć sapioraŭ i hrupy manitorynhu internetu.