Kurjery ŭ Padmaskoŭi pieravozili dziaciej u termatorbach na skutarach
Videa z dastaŭščykami słužby «Jandeks» stała virusnym u siecivie.
Palicyja ŭ Lubiercach pačała pravierku paśla źjaŭleńnia ŭ siecivie šakavalnaha videa z udziełam kurjeraŭ słužby dastaŭki ježy. Na zapisie vidać, jak mužčyny vykarystoŭvali pracoŭnyja termatorby dla transpartavańnia maleńkich dziaciej.
Na kadrach zafiksavana, jak kurjer u žoŭtaj formie padjazdžaje na skutary da handlovaha centra i dastaje z zamacavanaj na bahažniku termatorby maleńkaje dzicia.
Amal adnačasova ź im padjazdžaje druhi mužčyna, jaki dastaje z takoj ža torby dziaŭčynku.
Palicyja paviedamiła, što ciapier asoby kurjeraŭ vyśviatlajucca. Ci źjaŭlajucca hetyja mužčyny baćkami dziaciej, nieviadoma.