Pad Žabinkaj miascovych žycharoŭ pałochała lisa. Jaje złavili
U Žabinkaŭskim rajonie złavili lisu, jakaja pałochała žycharoŭ ahraharadka Rakitnica, paviedamili ŭ telehram-kanale Žabinkaŭskaha rajvykankama.
Zdymak ilustracyjny. Fota: freepik.com
Raniej u Rakitnicy źjaviłasia dzikaja lisa, videa ź jakoj chutka razyšłosia pa sacyjalnych sietkach. Žyviolina svabodna chadziła pa dvarach i, jak śćviardžałasia, stvarała pahrozu jak dla chatnich žyvioł, tak i dla miascovych žycharoŭ.
Dla vyrašeńnia situacyi byli zadziejničany rabotniki kamunalnych słužbaŭ. Lisu ŭdałosia złavić i abiasškodzić z zachavańniem usich nieabchodnych mier biaśpieki.
U rajvykankamie taksama paviedamili, što złoŭlenuju žyviołu nakiravali na adpaviednuju vieterynarnuju ekśpiertyzu.
Čytajcie taksama:
«Dzieviać kurej za noč». Viosku na Minščynie abjadaje lisa — i vyvieźci jaje nielha
U Breście zaŭvažyli adrazu čatyroch lis u adnym miescy. Tam ža byŭ i kot