Пад Жабінкай мясцовых жыхароў палохала ліса. Яе злавілі
У Жабінкаўскім раёне злавілі лісу, якая палохала жыхароў аграгарадка Ракітніца, паведамілі ў тэлеграм-канале Жабінкаўскага райвыканкама.
Здымак ілюстрацыйны. Фота: freepik.com
Раней у Ракітніцы з’явілася дзікая ліса, відэа з якой хутка разышлося па сацыяльных сетках. Жывёліна свабодна хадзіла па дварах і, як сцвярджалася, стварала пагрозу як для хатніх жывёл, так і для мясцовых жыхароў.
Для вырашэння сітуацыі былі задзейнічаны работнікі камунальных службаў. Лісу ўдалося злавіць і абясшкодзіць з захаваннем усіх неабходных мер бяспекі.
У райвыканкаме таксама паведамілі, што злоўленую жывёлу накіравалі на адпаведную ветэрынарную экспертызу.
Чытайце таксама:
У Гродзенскім заапарку расказалі мілую гісторыю, як удалося ўратаваць птушак ад лісіных набегаў
«Дзевяць курэй за ноч». Вёску на Міншчыне аб'ядае ліса — і вывезці яе нельга
У Брэсце заўважылі адразу чатырох ліс у адным месцы. Там жа быў і кот