Padčas avaryi ŭ Smalavickim rajonie zahinuła 17‑hadovaja dziaŭčyna

Raniej paviedamlałasia, što pad Smalavičami adbyłosia surjoznaje darožna-transpartnaje zdareńnie, u vyniku jakoha zahinuŭ čałaviek. Śledčy kamitet paviedamiŭ padrabiaznaści.

Pavodle papiarednich źviestak, kiroŭca aŭtamabila Jaguar nie raźličyŭ biaśpiečnuju chutkaść, z-za čaho mašynu zaniesła i jana sutyknułasia z aŭtamabilem Volkswagen. Paśla avaryi kiroŭca i pasažyr Volkswagen vyjšli na darohu, kab pravieryć, ci niama paciarpiełych, ale ŭ hety momant ich źbiła fura, kiroŭca jakoj nie paśpieŭ svoječasova spynić hruzavik.

U vyniku atrymanych traŭmaŭ zahinuła 17‑hadovaja pasažyrka Volkswagen.

Na miescy zdareńnia ciapier pracuje śledča-apieratyŭnaja hrupa, jakaja vyśviatlaje ŭsie abstaviny avaryi. Viadoma, što ŭdzielnikami masavaha DTZ stali dźvie fury, maršrutny aŭtobus i šeść lehkavych aŭtamabilaŭ, z-za čaho ruch na hetym učastku darohi značna ŭskładnieny. Śledčyja prosiać kiroŭcaŭ uličvać hetu infarmacyju pry płanavańni maršrutu.

Kamientary da artykuła