U Rečycy ludzi vyjšli prybirać śnieh. Ich aštrafavali
U Rečycy inśpiektary Dziaržaŭnaj aŭtamabilnaj inśpiekcyi aštrafavali piać čałaviek za toje, što pry čystcy śniehu jany dapuścili parušeńnie.
Zdymak ilustracyjny. Fota: «Naša Niva»
Jak paviedamlaje DAI, žychary Rečycy prybirali śnieh kala svaich pryvatnych damoŭ i ŭ dvarach, pry hetym kidali jaho na prajeznuju častku. Inśpiektary nazvali takoje dziejańnie niebiaśpiečnym i spasłalisia na artykuł 22.10 Kodeksa ab administracyjnych pravaparušeńniach.
Pavodle pieršaj častki hetaha artykuła, zahruvaščvańnie vulic, płoščaŭ, dvaroŭ i inšych ziamiel ahulnaha karystańnia budaŭničymi materyjałami ci inšymi pradmietami karajecca štrafam da piaci bazavych vieličyń (225 rubloŭ).
Druhaja častka artykuła praduhledžvaje štraf da 25 bazavych vieličyń (1125 rubloŭ) za nievykanańnie abaviazkaŭ pa ŭborcy i ŭtrymańni ŭčastkaŭ, u tym liku prylehłych da ŭłasnych ziamielnych učastkaŭ.
Takim čynam, biełarusam varta pamiatać: śnieh treba prybirać, kab nie trapić pad druhuju častku artykuła, ale rabić heta pravilna, kab nie parušać pieršuju častku.
Z 2025 hoda aŭtamabilisty taksama abaviazanyja prybirać śnieh ź miescaŭ dla stajanki ŭ radyusie mietra vakoł svaich mašyn. Kidać śnieh na prajeznuju častku zabaroniena — lepš vykarystoŭvać hazony abo inšyja niekanfliktnyja zony.
Čytajcie taksama:
Kali vaša mašyna budzie pieraškadžać śniehaŭboračnaj technicy, vas aštrafujuć
Darožnyja štrafy buduć śpisvać z kartki aŭtamatyčna. Ale nie va ŭsich vypadkach
Marazy da —20 i mocnyja śniehapady. Jakim budzie nadvorje na nastupnym tydni