Kit Kiełah pra Zialenskaha: Jon žorstki sukin syn
Kit Kiełah, były śpiecyjalny pasłańnik Trampa pa Ukrainie, u intervju brytanskamu telekanału ITV paraŭnaŭ Zialenskaha z Aŭraamam Linkalnam i nazvaŭ jaho «žorstkim» i «upartym» lidaram.
Kit Kiełah. Fota: Dursun Aydemir / Anadolu via Getty Images
«Zialenski — krepki arech. Ja maju na ŭvazie, jon — žorstki sukin syn. Jon uparty. U jaho jość svajo mierkavańnie. Jon nie baicca jaho vykazvać. Jon viedaje, jak karystacca ŚMI. My nie bačyli takoha lidara ŭ ZŠA z časoŭ Linkalna», — skazaŭ Kiełah.
Kit Kiełah byŭ z sakavika 2025 hoda śpiecpradstaŭnikom pa Ukrainie, jaho paŭnamoctvy kančajucca ŭ hetym studzieni. Kiełah mieŭ vyraznuju praŭkrainskuju pazicyju. Ad pieramoŭ pa Ukrainie jon byŭ, imavierna, praz heta adsunuty.