Ministr armii ZŠA Den Dryskał staŭ novym śpiecyjalnym pradstaŭnikom prezidenta Donalda Trampa pa ŭkrainskim urehulavańni, paviedamlajuć krynicy The Guardian.
Pavodle ich słoŭ, hrupa amierykanskich hienierałaŭ prylacić u Maskvu ŭ kancy nastupnaha tydnia, kab abmierkavać «mirny płan» z Kramlom.
Dryskał — siabar i były adnakłaśnik vice-prezidenta ZŠA Džej Dzi Vensa. U Biełym domie charaktaryzujuć jaho jak adnaho z samych efiektyŭnych členaŭ kamandy Trampa.
20 listapada delehacyja vysokapastaŭlenych vajennych čynoŭnikaŭ ZŠA na čale z Dryskołam praviała pieramovy z prezidentam Ukrainy Uładzimiram Zialenskim u Kijevie. Paśla toj zajaviŭ pra hatoŭnaść abmiarkoŭvać «mirny płan» Trampa.
Taksama delehacyja sustrełasia z pradstaŭnikami Jeŭropy. Amierykancy zajavili, što ich płan «amal nie padlahaje abmierkavańniu», i Ukrainie daviadziecca zaklučyć ździełku, bo jana znachodzicca ŭ «vielmi drennym stanoviščy». U svaju čarhu Dryskał papiaredziŭ, što «Vašynhton prajavić minimum hnutkaści». Adzin z vysokapastaŭlenych jeŭrapiejskich čynoŭnikaŭ nazvaŭ ton sustrečy «miarzotnym».
Pavodle jaho słoŭ, Dryskał užyvaŭ šmat nienarmatyŭnaj leksiki, nastojvajučy, što «treba skončyć z hetym łajnom», i abmierkavańnie chutka zajšło ŭ tupik. Hienierał, idučy za ŭkazańniem Trampa, patrabuje, kab Zialenski padpisaŭ pahadnieńnie da 27 listapada, kali ŭ ZŠA buduć adznačać Dzień padziaki.
Z sakavika 2025 hoda śpiecpradstaŭnikom pa Ukrainie źjaŭlajecca Kit Kiełah, jaho paŭnamoctvy skončacca ŭ studzieni.
Kamientary