Adzieńnie dziaŭčyny, znojdzienaj u Ślapiancy, padobnaje da vopratki Jany Kastrankovaj — dački dyrektara bujnoha ahrakompleksu
Śledčy kamitet paviedamiŭ, što adzieńnie dziaŭčyny, jakuju znajšli siońnia ŭ vadajomie Ślapianskaj vodnaj sistemy, pa źniešnich prykmietach padobnaje da taho, u jakoje była apranutaja źnikłaja niezadoŭha da taho Jana Kastrankova.
Jana Kastrankova
Paviedamlajecca, što prosta ciapier na miescy zdareńnia pracuje śledča-apieratyŭnaja hrupa. Dakładnyja źviestki pra asobu zahinułaj atrymajuć paśla praviadzieńnia apaznańnia. Pryznačanaja sudova-miedycynskaja ekśpiertyza dla vyśviatleńnia dakładnaj pryčyny śmierci dziaŭčyny.
Pa danych śledstva, 30 śniežnia 2025 hoda 21‑hadovaja Jana Kastrankova pierastała vychodzić na suviaź i adsutničała pa miescy žycharstva. Svajaki źviarnulisia ŭ milicyju.
Jana — dačka Juryja Kastrankova, dyrektara AAT «Ahra-Laskavičy» (haspadarka ŭvachodzić u strukturu Kiraŭnictva spravami prezidenta). Juryja pryznačyli na pasadu letaś u lutym 2025 hoda. Paru miesiacaŭ tamu jon davaŭ spravazdaču Łukašenku, jaki vyrašyŭ naviedać ahrakompleks va ŭzornym ahraharadku ŭ Pietrykaŭskim rajonie.
Čytajcie taksama:
U centry Minska tajamniča źnikła dačka dyrektara bujnoha ahrakompleksu