Były hałoŭny desantnik Dzienisienka, jakoha ŭračysta adpravili ŭ zapas, uraziŭ svajoj fryzuraj FOTAFAKT
Vyhladaje, pierachod da cyvilnaha žyćcia ŭ byłoha kamandujučaha SSA prachodzić nie biez prablem.
U Ministerstvie abarony 12 studzienia ŭračysta praviali ŭ zapas byłoha kiraŭnika Sił śpiecyjalnych apieracyj Uzbrojenych sił hienierał-majora Vadzima Dzienisienku.
Jamu ŭručyli orden «Za słužbu Radzimie» I stupieni. «Takim čynam, Vadzim Dzienisienka staŭ pieršym poŭnym kavaleram hetaha ordena va Uzbrojenych siłach suvierennaj Biełarusi», — zajavili ŭ Minabarony.
Ale ŭvahu Dzienisienka na mierapryjemstvie pryciahnuŭ nie tolki hetym, ale i svaim vyhladam.
Hetym razam hienierał źniaŭ ahromnistuju furažku i pakazaŭ svaju fryzuru.
Vyhladaje, pierachod da cyvilnaha žyćcia prachodzić u hałoŭnaha desantnika nie biez prablem.
Vadzim Dzienisienka 9 studzienia byŭ zvolnieny z vajskovaj słužby ŭ zapas z pryčyny ŭzrostu. Pasadu kamandujučaha SSA zaniaŭ jahony pieršy namieśnik — Alaksandr Iljukievič.
Vojski śpiecyjalnaha pryznačeńnia pad kamandavańniem Dzienisienki brali ŭdzieł u zadušeńni pratestaŭ 2020 hoda. 11 žniŭnia ŭ Breście pratestoviec Hienadź Šutaŭ byŭ zastreleny kapitanam bryhady SSA z Marjinaj Horki Ramanam Haŭryłavym. Na sudzie, jaki pryznaŭ vinavatym Šutava, stała viadoma, što hienierał Dzienisienka addaŭ zahad vydać aficeram śpiecnaza bajavuju zbroju i vysunucca ŭ padmacavańnie AMAPu.