Pamior viciebski mastak Juryj Zujeŭ. Jahonaja spadčyna moža zahinuć
U śniežni 2025 hoda va ŭzroście 90 hadoŭ pamior Juryj Zujeŭ — mastak i skulptar, jaki z 1980 hoda žyŭ i pracavaŭ u Viciebsku. Jon byŭ členam Sajuza mastakoŭ SSSR (z 1986 hoda) i Biełaruskaha sajuza mastakoŭ (z 1987 hoda), piša telehram-kanał «Vitiebsk, ja hulaju!»
Juryj Zujeŭ
Z 1980 pa 1986 hod Juryj Zujeŭ byŭ hałoŭnym architektaram Viciebska.
Jahonyja tvory možna było pabačyć nie tolki na vystavach, ale i ŭ haradskoj prastory Viciebska — naprykład, manumientalnaje pano na Maskoŭskim praśpiekcie.
Shrafita «Mir tamu, chto ŭvachodzić» raboty Juryja Zujeva na budynku fabryki «Viciablanka» ŭ Viciebsku. Fota: instagram.com/moments_of_monumental
Ciapier u sacyjalnych sietkach uźnikła zaniepakojenaść nakont zachavańnia jaho spadčyny. Karciny, skulptury i eskizy mastaka zachoŭvalisia ŭ majsterni, jakuju, pavodle aŭtaraŭ publikacyj, prosiać vyzvalić.
Dačka mastaka Natalla źviartajecca ŭ haradskija struktury ŭ pošukach miesca dla zachavańnia rabot i tym samym ratavańnia spadčyny baćki, adnak pakul biezvynikova.