Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki

Śviatłana Cichanoŭskaja prakamientavała infarmacyju dramaturha Andreja Kurejčyka pra toje, što jaje dzieci ciapier pierajechali da baćki ŭ ZŠA i ŭžo navat pajšli tam u miascovuju škołu. Pa jaje słovach, dzieci sapraŭdy ciapier znachodziacca ŭ Amierycy, ale heta tolki časova.

Śviatłana, Siarhiej, Karniej i Ahnija Cichanoŭskija. Fota z sacsietak Śviatłany Cichanoŭskaj

«Nie, dzieci nie pierajechali ŭ ZŠA, a znachodziacca tam časova. Na hety momant my vyrašajem pytańni ź biaśpiekaj i arhanizacyjaj pracy ofisa.

Tamu my ŭ siamji pryniali rašeńnie, što pakul dzieci buduć znachodzicca z tatam. Jon ciapier vyvučaje anhlijskuju movu i praciahvaje svaju aktyŭnaść u ZŠA.

Pry hetym moj hrafik aficyjnych vizitaŭ i sustreč vy viedajecie, a Siarhiej nie bačyŭ doŭha dziaciej i ciapier moža pravodzić ź imi dastatkova času», — paviedamiła Cichanoŭskaja praz svajho dypłamatyčnaha daradcu Dzianisa Kučynskaha.

Kamientary da artykuła