U Maskvie pryziamliŭsia sanitarny samalot, na borcie jakoha moža znachodzicca Adam Kadyraŭ. Śledam sieŭ samalot Ramzana Kadyrava
Sanitarny samalot An-148— 100‑JEM MNS Rasii, jaki vylecieŭ z Hroznaha paśla paviedamleńniaŭ pra DTZ z udziełam Adama Kadyrava, pryziamliŭsia ŭ maskoŭskim aeraporcie Unukava a 01:10 pa maskoŭskim časie, paviedamlajuć «Važnyja historyi».
Adam Kadyraŭ
Śledam za im u stalicu prylacieŭ Airbus kampanii «RusDžet» (RA-73417), źviazanaj z byłym deputatam i inviestaram Jaŭhienam Tuhałukovym. Jak vynikaje z dadzienych uciečanaj bazy pamiežnaj słužby FSB, mienavita hetym bortam Ramzan Kadyraŭ u apošnija hady rehularna lotaje ŭ AAE, piša vydańnie.
Napiaredadni stała viadoma, što syn kiraŭnika Čačni Adam Kadyraŭ trapiŭ u surjoznuju aŭtamabilnuju avaryju, paśla jakoj jaho špitalizavali. Pavodle krynicy «Kaŭkaz.Realii», u momant DTZ jon znachodziŭsia za rulom.
Dakładnaj infarmacyi pra jaho stan niama: pavodle adnoj viersii, jon biez prytomnaści i znachodzicca ŭ ciažkim stanie, pavodle inšaj — pryjšoŭ u prytomnaść i jaho stan nie vyklikaje zaniepakojenaści ŭ daktaroŭ.