Mužčyna hulaŭ pa Homieli ŭ šortach u minus 18!
Padobna, što i ŭ Rečycu zajazdžaŭ, taksama ŭ šortach.
Skryn videa: tyktok
U tyktoku apublikavali videa, jak pa Homieli prahulvajecca mužčyna ŭ adnoj majcy i šortach. Na nosie — soniečnyja akulary.
Źniata videa było 17 studzienia, na vulicy tady było 18 hradusaŭ marozu.
Mahčyma, jaho ž dniami bačyli i ŭ Rečycy — u kamientary skidajuć zdymki z padobnym mužčynam. Jon taksama ŭ šortach z takim ža malunkam i majcy biez rukavoŭ.
Fota: tyktok
«Surovy biełaruski mužyk», — pišuć u kamientach.
Niekatoryja razvažajuć, ci nie prajhraŭ jon sprečku, što daviałosia tak vyjści na vulicu.