Tracina pradadzienych u Minsku kvater — daražejšyja za 100 tysiač dalaraŭ

A kolki kupili kvater za 200 tysiač?

Fota: sacsietki

U bazie BTI za śniežań ciapier 1275 ździełak pa stalicy, ale ich kolkaść jašče dadasca, pakul jany buduć dahružacca ŭ bazu danych, tamu možna kazać, što pa vyniku ŭ stalicy budzie kala 1330‑1350 ździełak, paviedamlaje Wikidom.

Dla paraŭnańnia, u listapadzie było 1235 ździełak, u toj ža čas u śniežni minułaha hoda — 1509.

Siaredni košt mietra ŭ Minsku skłaŭ 1876 dalaraŭ (plus 17$ za miesiac).

Pa siehmientach situacyja nastupnaja:

• kvatera na druhasnym rynku kaštavała 1864$ za mietr (+19$);
• hatovyja novabudoŭli kaštavali 2011$ za mietr (+2$).

Što tyčycca doli darahich kvater, z ceńnikam bolš za 100 tysiač dalaraŭ, to ich kolkaść krychu źniziłasia i skłała 34% ad ahulnaj kolkaści ŭsich prodažaŭ (heta 431 kvatera).

Niahledziačy na nievialikaje źnižeńnie doli darahich kvater, ich kolkaść usio roŭna znachodzicca na rekordna vysokich uzroŭniach. Dola kvater z koštam vyšej 200 tysiač dalaraŭ — 4% (45 ździełak).

Pa vyniku miesiaca skłalisia nastupnyja ceny za mietr na roznyja kvatery:

• adnapakajovyja — 2 029$ (+12$);
• dvuchpakajovyja — 1 808$ (+12$);
• trochpakajovyja — 1 660$ (-4$);
• čatyrochpakajovyja — 1 667$ (+97$).

Kamientary da artykuła