Jak za hod źmianiłasia cana kvater u Minsku i abłasnych centrach
Rost cen uražvaje, ale ci ŭdałosia pabić rekord 18‑hadovaj daŭniny?
Minsk
Siaredni košt kvadrata ŭ stalicy nabližajecca da $2000. Pavodle statystyki Realt, siaredniaja cana mietra na druhasnym rynku Minska ŭ pačatku śniežnia składaje $1941. Admietna, što heta nie pikavyja ceny 2025 hoda, bo apošnim časam nazirajecca nievialikaje źnižeńnie. Naprykład, u kastryčniku ŭ Minsku prasili pa $1980 za mietr.
U pačatku śniežnia 2024 hoda kvadrat u stalicy ŭ siarednim aceńvali na $1605.
Hadavy pryrost cany mietra na druhasnym rynku skłaŭ 21%.
Siaredni košt kvadratnaha mietra realnych uhod za listapad 2025 hoda skłaŭ $1922. Hodam raniej było $1584. Jak i pa prapanovach, rost składaje kala 21%.
Niahledziačy na vielmi intensiŭny rost cen ciaham 2025 hoda, absalutny rekord kanca 2007 hoda nie pabity — tady kvadrat u stalicy pa prapanovach kaštavaŭ $2010.
Brest
Brest zachoŭvaje zvańnie abłasnoha centra z samymi vysokimi cenami na nieruchomaść. Na kaniec 2025 hoda za mietr u Breście ŭ siarednim prosiać pa $1136. Letaś — $1028.
Hadavy pryrost skłaŭ +10,5%, što było samym ścipłym pakazčykam siarod bujnych haradoŭ.
Hrodna
Pačynajučy sa žniŭnia, Hrodna staŭ druhim abłasnym centram, dzie siaredni košt kvadrata pierakročyŭ adznaku $1000.
Na kaniec 2025 hoda za mietr u Hrodnie ŭ siarednim prosiać pa $1078. Letaś za kvadrat u Hrodnie ŭ siarednim prasili pa $851. Hadavy pryrost — amal 27%, što robić Hrodna lidaram pa hadavym rostu cany nieruchomaści pa prapanovach.
Mahiloŭ
Na pačatak śniežnia 2025 hoda kvadrat u Mahilovie ŭ siarednim aceńvajuć na $998. Letaś za kvadrat u Mahilovie ŭ siarednim prasili pa $840. Hadavy pryrost skłaŭ bolš za 18%.
Homiel
Da pieraadoleńnia płanki $1000 pa prapanovach Homielu taksama nie staje zusim troški. Na pačatak śniežnia 2025 hoda kvadrat tam u siarednim aceńvajuć na $993. Hod tamu za mietr u siarednim prasili pa $821. Hadavy pryrost, jak i ŭ Minsku, skłaŭ kala 21%.
Viciebsk
Viciebsk tradycyjna zastajecca abłasnym centram z samaj tannaj nieruchomaściu. Na pačatak śniežnia 2025 hoda kvadrat tam u siarednim aceńvajuć na $901. Hod tamu za mietr u Viciebsku ŭ siarednim prasili pa $771. Hadavy pryrost — 17%.
«Naša Niva» — bastyjon biełaruščyny
PADTRYMAĆ«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary
Kohda načałaś mohilizacija – prodała dorožie na 5 štuk baksov.
Pokupať ničieho nie budu, choť i dieńhi imiejutsia ..
Łopniet žie etot puzyŕ kohda-nibud́...
Tut i rośsijanie vinovaty i biełarusy, jezdiaŝije na zarabotki v Jevropu, a potom prijezžajuŝije siuda i pokupajuŝije tut žiljo