Biełarusa, jaki kinuŭ dzicia hałavoj ab padłohu ŭ «Šaramiećcieva», pryznali nieadekvatnym
31‑hadovaha žychara Novaj Huty Uładzimira Vicikava, jaki ŭ červieni minułaha hoda z usiaho razmachu kinuŭ hałovoj ab padłohu maleńkaje dzicia ŭ maskoŭskim aeraporcie, pryznali nieadekvatnym.
Psichołaha-psichijatryčnaja ekśpiertyza pakazała, što ŭ momant incydentu mužčyna nie ŭśviedamlaŭ svaich dziejańniaŭ, paviedamlaje padmaskoŭnaje ŭpraŭleńnie SK Rasii.
Trahiedyja zdaryłasia 24 červienia 2025 hoda. Vicikaŭ viartaŭsia z Kaira, dzie pracavaŭ na budoŭli. U «Šaramiećcieva» jon schapiŭ čužoha paŭtarahadovaha chłopčyka, afhanca Machamada Afzała, i z usioj siły špurnuŭ jaho na padłohu. Dzicia atrymała strašnyja traŭmy: pierałomy čerapa i pazvanočnika.
Pierad napadam biełarus užyvaŭ hašyš i vypiŭ try plaški viski. Da taho ž, Vicikaŭ daŭno znachodzicca na ŭliku ŭ psichijatra z dyjahnazam «šyzafrenija».
«Padčas śledstva mužčynu praviedziena kompleksnaja psichołaha-psichijatryčnaja ekśpiertyza, pavodle zaklučeńnia jakoj jon nie moža ŭśviedamlać faktyčny charaktar i hramadskuju niebiaśpieku svaich dziejańniaŭ», — paviedamlaje rasijski SK.
Ciapier zamiest turemnaha terminu biełarusu pahražaje prymusovaje lačeńnie ŭ psichijatryčnaj balnicy.