Mižnarodnaja fiederacyja chakieju praciahnuła adchileńnie zbornaj Biełarusi ad mižnarodnych spabornictvaŭ
Mižnarodnaja fiederacyja chakieja (IICHF) pakinuła ŭ sile adchileńnie zbornych Rasii i Biełarusi ad udziełu ŭ mižnarodnych spabornictvach. Pra heta paviedamiŭ žurnalist vydańnia The Athletic Krys Džonstan, paviedamlaje «Biełaruski chakiej».
Fota: FCHB
21 studzienia adbyłosia pasiadžeńnie rady IICHF, pa vynikach jakoha pazicyja arhanizacyi zastałasia niaźmiennaj. Rasijskija i biełaruskija kamandy pa-raniejšamu nie dapuskajucca da mižnarodnych chakiejnych turniraŭ «ź mierkavańniaŭ biaśpieki».
«Pavodle infarmacyi krynic, pa vynikach siońniašniaha pasiadžeńnia rady IICHF źmienaŭ u sankcyjach suprać Rasii i Biełarusi niama.
Jany pa-raniejšamu nie majuć prava ŭdzielničać u mižnarodnych chakiejnych spabornictvach praz pytańni biaśpieki», — napisaŭ Džonstan u sacyjalnaj sietcy X.
Zbornyja Biełarusi i Rasii adchileny ad mižnarodnych spabornictvaŭ pad ehidaj IICHF ź lutaha 2022 hoda paśla poŭnamaštbanaha ŭvarvańnia Rasii va Ukrainu. Nacyjanalnaja zbornaja Biełarusi, naprykład, prapuściła čatyry čempijanaty śvietu ŭ elitnym dyvizijonie, prapuścić nastupny čempijanat, što projdzie ŭ mai hetaha hoda, a taksama kvalifikacyjnyja turniry da Alimpijady-2026. Apošni raz Biełaruś hulała na Zimovaj Alimpijadzie ŭ 2010 hodzie.