Ułady Irana nazvali žachlivuju ličbu zabitych na pratestach
Ministr zamiežnych spraŭ Irana Abas Arakčy paviedamiŭ, što padčas niadaŭnich pratesnych vystupleńniaŭ u krainie zahinuli 3117 čałaviek.
Fota: Getty Images
«Ahulnaja kolkaść zahinułych — 3117», — napisaŭ Arakčy ŭ svaim telehram-kanale.
Pavodle jaho słoŭ, siarod ich jość jak mirnyja hramadzianie, tak i pradstaŭniki sił biaśpieki. Taksama adznačajecca značnaja materyjalnaja škoda — nibyta paciarpieli kramy, banki, žyłyja damy i miačeci.
Raniej ananimny iranski čynoŭnik paviedamlaŭ ahienctvu Reuters, što padčas pratestaŭ u Iranie zahinuli jak minimum 5000 čałaviek, u tym liku kala 500 supracoŭnikaŭ sił biaśpieki.
Masavyja pratesty ŭ Iranie pačalisia 28 śniežnia 2025 hoda. U pačatku studzienia jany dasiahnuli najbolšaha maštabu: masavyja vystupleńni achapili amal usie pravincyi, miljony ludziej vyjšli na vulicy z patrabavańniami źviaržeńnia režymu. Najbolš žorstkija sutyknieńni adbylisia z 8 pa 12 studzienia, kali siły biaśpieki, pavodle roznych acenak, zabili ad niekalkich tysiač da dziasiatkaŭ tysiač čałaviek.
Paśla chvali represij aktyŭnaść pratestaŭ značna źniziłasia: u haradach źjavilisia ŭzbrojenyja patruli, a infarmacyja z krainy amal pierastała pastupać. Na fonie hetych padziej ZŠA razhladali mahčymaść vajennaha ŭdaru pa Iranie, adnak paźniej Tramp admoviŭsia ad takoha kroku, zajaviŭšy, što atrymaŭ zapeŭnieńni ab spynieńni masavych zabojstvaŭ.
Čytajcie taksama:
Tramp zajaviŭ, što da Irana nakiroŭvajucca amierykanskija vajskovyja karabli
U Iranie aficyjna pryznali, što padčas zadušeńnia pratestaŭ zahinuli tysiačy ludziej
Pratesty ŭ Iranie, vierahodna, užo kančatkova zadušyli
Tramp admaŭlaje, što admianiŭ udary pa Iranie pad niečym upłyvam, i dziakuje iranskim uładam