Znojdzieny Bahdan Junčyk raskazaŭ, dzie chavaŭsia try dni
Va UUS Bresckaha abłvykankama raskazali, što ŭdałosia daviedacca ad 15‑hadovaha padletka Bahdana Junčyka, jaki chavaŭsia na praciahu troch dzion i ŭčora byŭ narešcie znojdzieny.
Bahdan Junčyk sprava. Skrynšot ź videa
Jak paviedamiŭ siłavikam sam Bahdan, jon žyŭ u dziciačym domie siamiejnaha typu, a paśla kanfliktu z baćkam-vychavalnikam pakryŭdziŭsia i vyrašyŭ pajści z domu. Na dyziel-ciahniku padletak dabraŭsia da Pinska, dzie ŭvieś hety čas i znachodziŭsia: dniom hulaŭ pa horadzie, starajučysia trymacca dalej ad ludnych miescaŭ i milicejskich patruloŭ, a nočy pravodziŭ u zakinutych budynkach. Viartacca dadomu jon nie płanavaŭ.
Tym časam chłopca šukali z dapamohaj śpiecyjalnaj techniki, dronaŭ i kvadracykłaŭ. Padčas pošukaŭ ahladali žyłyja i zakinutyja damy, padvały, zabałočanyja ŭčastki i lasny masiŭ kala ahraharadka, dzie źnik Bahdan Junčyk.
Dapamahła zaviaršyć hetu spravu 36‑hadovaja žycharka Pinska, jakaja źviarnuła ŭvahu na chłopca, padobnaha pa prykmietach da źnikłaha. Paśla taho jaho ŭdałosia chutka znajści.
Miedycynski ahlad zaśviedčyŭ, što stan zdaroŭja padletka zdavalniajučy.
Čytajcie taksama:
Źjaviłasia VIDEA źnikłaha ŭ Pinsku Bahdana Junčyka
Źnikły 15‑hadovy padletak moh syści praz telefon
15‑hadovy padletak u Pinskim rajonie prapaŭ try dni tamu, jaho šukaje bolš za 100 čałaviek