Miedyjny pres-sakratar MNS Vital Damboŭski pajšoŭ u psichołahi-seksołahi
Były pres-sakratar MNS Vital Damboŭski padzialiŭsia ŭ sacyjalnych sietkach svaim novym miescam pracy: ciapier mužčyna budzie dapamahać ludziam jak psichołah-seksołah.
Vital Damboŭski. Fota: asabistaja staronka ŭ fejsbuku
Pryvatnuju praktyku ŭ halinie seksałohii jon raspačaŭ sa studzienia hetaha hoda, tamu vodhukaŭ i acenak jaho dziejnaści jak śpiecyjalista jašče niama.
Znajomyja byłoha ratavalnika žartujuć, što Vital, vidać, maje bahaty prafiesijny dośvied, bo sam dahetul nie žanaty.
Vital Damboŭski pryjšoŭ u MNS u 2001 hodzie. Pačynaŭ z pasady zvyčajnaha ratavalnika, dasłužyŭsia da namieśnika načalnika pažarnaj avaryjna-ratavalnaj častki. Potym pracavaŭ na pasadzie pres-sakratara Minskaha haradskoha ŭpraŭleńnia MNS — byŭ dosyć miedyjnym i adkrytym dla ŚMI pres-sakratarom, čamu spryjaŭ skončany fakultet žurnalistyki.
Vital Damboŭski padčas pracy ŭ MNS. Fota: asabistaja staronka ŭ fejsbuku
Paśla zvalnieńnia z MNS i da pahružeńnia ŭ psichałohiju Damboŭski pracavaŭ u kampanii, jakaja zajmałasia sistemami vodazabieśpiačeńnia i kanalizacyjami «Vedciapłoservis», byŭ aficyjnym pradstaŭnikom Biełaruskaha Čyrvonaha kryža, mieniedžaram u rekłamna-palihrafičnaj kampanii WeCreate, namieśnikam kiraŭnika adździeła raźvićcia ŭ anłajn-miedyja Smartpress.by. Apošnim časam kiravaŭ aptovaj handlovaj kampanijaj «BiełHandalTest».
Prafiesijnyja nazirańni Vitala. Skrynšot: storyz u fejsbuku
Jakuju adukacyju mužčyna atrymaŭ, kab vieści pryvatnuju praktyku pa seksałohii, Vital pakul nie raskryvaje, ale zapeŭnivaje, što adpaviednuju.
U volny čas mužčyna vandruje, haniaje na matacykle i naviedvaje trenažorku. Fota: asabistaja staronka ŭ fejsbuku