Sioleta pačnuć rekanstrujavać prapuskny punkt «Kamienny Łoh»
Rekanstrukcyju punkta propusku «Kamienny Łoh» na biełaruska-litoŭskaj miažy płanujuć pačać u 2026 hodzie. Pra heta paviedamiŭ staršynia Dziaržaŭnaha mytnaha kamiteta Biełarusi Uładzimir Arłoŭski.
Uładzimir Arłoŭski
Uładzimir Arłoŭski adznačyŭ, što «Kamienny Łoh» — adziny punkt propusku na miažy ź Jeŭrasajuzam, dzie bolš za 20 hadoŭ nie pravodziłasia rekanstrukcyja. Tamu ciapier mienavita na im skancentravanyja asnoŭnyja namahańni.
Padčas rekanstrukcyi, jak zajaŭlajecca, płanujecca kardynalna pierabudavać punkt propusku, pavialičyć jaho prapusknuju zdolnaść u try razy i stvaryć maksimalna kamfortnyja ŭmovy dla pierasiačeńnia miažy.
Pa słovach čynoŭnika, Biełaruś dziejničaje samastojna i nie aryjentujecca na rašeńni susiednich krain, paśladoŭna realizujučy ŭłasnyja płany pa madernizacyi i kapitalnym ramoncie punktaŭ propusku. Za apošnija piać hadoŭ u krainie byli rekanstrujavanyja 12 takich abjektaŭ.
U minułym hodzie zaviaršyli abnaŭleńnie punkta propusku «Bierastavica» ŭ Hrodzienskaj vobłaści na polskim kirunku, i heta akazałasia vielmi svoječasova — nieŭzabavie paśla rekanstrukcyi polski bok adnaviŭ ruch.
Čytajcie taksama:
U čaćvier na miažy z Polščaj dla fur adkryjuć novuju zonu čakańnia pamieram z 30 futbolnych paloŭ
Achvotnym pajechać u Kazachstan treba budzie atrymlivać dazvoł
Za apošnija dva tydni imihracyjnyja słužby ZŠA zatrymali nie mienš za 7 biełarusaŭ