U čaćvier na miažy z Polščaj dla fur adkryjuć novuju zonu čakańnia pamieram z 30 futbolnych paloŭ
U punktie propusku «Kazłovičy» na biełaruska-polskaj miažy ŭ čaćvier, 29 studzienia, źbirajucca adkrynć najbujniejšuju na postsavieckaj prastory zonu čakańnia dla hruzavoha transpartu. Jak raskazali Office Life u «Biełmytservisie», tut abstalavali terytoryju płoščaj 21 hiektar, abo amal 30 futbolnych paloŭ.
Ciapier kala punkta propusku «Kazłovičy» dziejničajuć zony čakańnia płoščaj 33 hiektary. Na novaj placoŭcy čakańnia mohuć raźmiaścicca adnačasova 800 fur. Ich kiroŭcy zmohuć skarystacca tut dadatkovymi pasłuhami: pryniać duš, pamyć, pasušyć i pahładzić rečy, zaradzić refryžeratary. Budzie pracavać i kruhłasutačnaje kafe na 30 stolikaŭ.
Tut taksama ŭkaranili sistemu elektronnaj čarhi transpartu dla ŭjezdu ŭ punkt propusku «Kazłovičy». U suviazi z hetym, jak padkreślili ŭ «Biełmytservisie», z 15:00 29 studzienia elektronnuju rehistracyju dla ŭjezdu fur na pahranpierachod buduć pravodzić užo pierad ujezdam na novuju placoŭku pa adrasie: Brescki rajon, Klejnikaŭski sielsaviet, dom 10B, korpus 1.
Zonu čakańnia dla fur u «Kazłovičach» pačali ŭzvodzić jašče ŭ 2023 hodzie. Jak adznačyli ŭ «Biełmytservisie», prajekt realizoŭvali ŭ niekalki etapaŭ. Ź listapada 2023‑ha pa śniežań 2024‑ha zajmalisia padrychtoŭkaj placoŭki. Asnoŭnyja raboty vykonvali ŭ apošni hod. U minułym hodzie ŭviali ŭ ekspłuatacyju parkoŭku na 90 hruzavikoŭ ź infarmacyjnym tabło, KPP, zonaj adpačynku i sanitarnym błokam.
U studzieni hetaha hoda zaviaršyli ŭźviadzieńnie jašče adnoj zony płoščaj 15,4 hiektara na 700 ź lišnim fur. Na zaviaršalnym etapie prajektujecca zamiena źniešnich sietak elektrazabieśpiačeńnia, kab pavysić nadziejnaść zabieśpiačeńnia elektryčnaściu jak samoha «Biełmytservisa», tak i inšych arhanizacyj Brestčyny. U tym liku DEU-21 pradpryjemstva «Brestaŭtadar», Bresckaj pahraničnaj hrupy, mytni i bližejšych kram.
U dalejšym chočuć rekanstrujavać placoŭku dla čakańnia vyjezdu za miažu lehkavych aŭtamabilaŭ i aŭtobusaŭ kala «Varšaŭskaha mosta». Akramia taho, u minułym hodzie na biełaruska-litoŭskaj hranicy źbiralisia pačać budaŭnictva druhoj placoŭki čakańnia pobač z punktam propusku «Kamienny Łoh», a taksama prajektavać zonu čakańnia na pahranpierachodzie «Hryharoŭščyna» na łatvijskaj hranicy.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady3
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary