ZŠA zaklikali svaich hramadzian nieadkładna pakinuć Iran
Pres-słužba pasolstva ZŠA ŭ Iranie papiaredziła, što nieabchodna razhledzieć mahčymaść vyjezdu z krainy pa sušy praz Armieniju abo Turcyju.
Fota: Walter Bibikov / Getty Images
«Raspracujcie płan vyjezdu ź Irana, jaki nie budzie zaležać ad dapamohi ŭrada ZŠA», — havorycca ŭ paviedamleńni.
Akramia taho, pasolstva papiaredziła, što hramadzianam ZŠA varta čakać zbojaŭ u pracy internetu na terytoryi Irana. Amierykancy ŭ Iranie padviarhajucca vysokaj ryzycy zatrymańnia, a demanstracyja amierykanskaha pašparta abo suviaziaŭ z ZŠA sama pa sabie moža stać padstavaj dla aryštu, padkreśliła dypłamatyčnaje pradstaŭnictva.