Staŭ viadomy prysud byłomu kiraŭniku Rečycy
10 hadoŭ były kiraŭnik davaŭ ukazańni śpiecyjalistam sielhaspradpryjemstvaŭ Rečyckaha rajona chavać padziež žyvioły. U suviazi z čym 20 rabotnikaŭ byli pryciahnuty da kryminalnaj adkaznaści, paviedamlaje prakuratura Homiela.
Eks-staršyni Rečyckaha rajvykankama inkryminavana pieravyšeńnie ŭłady i słužbovych paŭnamoctvaŭ, havorycca ŭ zajavie homielskaj prakuratury. Jaho imia nie nazyvajecca, ale vidavočna, što havorka idzie pra Vitala Pančanku.
Na praciahu 10 hadoŭ były kiraŭnik davaŭ niezakonnyja ŭkazańni śpiecyjalistam sielhaspradpryjemstvaŭ Rečyckaha rajona, a taksama svajmu namieśniku chavać padziež žyvioły. U suviazi z čym 20 rabotnikaŭ byli pryciahnuty da kryminalnaj adkaznaści.
Eks-staršyni Rečycy pryznačana pakarańnie ŭ vyhladzie pazbaŭleńnia voli na 7 hadoŭ z adbyvańniem u kałonii ŭzmocnienaha režymu, sa štrafam na sumu 700 bazavych adzinak (31 500 rubloŭ), z pazbaŭleńniem prava zajmać peŭnyja pasady, źviazanyja z vykanańniem arhanizacyjna-rasparadčych abaviazkaŭ, terminam na 5 hadoŭ, paviedamlaje prakuratura.
Pra zatrymańnie Vitala Pančanki letaś paviedamlaŭ «Fłahštok».
U 2022 hodzie Pančanka ŭžo byŭ u SIZA, ale tady jamu ŭdałosia paźbiehnuć pakarańnia — jon navat apynuŭsia na pasadzie ideołaha «Biełarusnafty».