Na minskaj mytni kanfiskavali bajavuju šablu
Minskija mytniki znajšli i kanfiskavali bajavuju šablu, jakaja niezakonna ŭvoziłasia ŭ Biełaruś. Jana była schavanaja siarod partyi tekstylu i aŭtazapčastak. Ekśpiertyza paćvierdziła, što klinok sapraŭdy źjaŭlajecca chałodnaj zbrojaj, paviedamlaje pres-słužba Mytnych orhanaŭ Biełarusi.
Kazachstanski pieravozčyk nie paznačyŭ šablu ŭ dekłaracyi na źmiašanuju partyju hruza, jakaja ŭklučała tekstyl, aŭtazapčastki i elektraprybory. Kab vyśvietlić, ci patrebna dla ŭvozu śpiecyjalnaja licenzija, šablu adpravili na ekśpiertyzu.
U mytnaj łabaratoryi paćvierdzili, što klinok zrobleny zavodskim sposabam i adnosicca da siakuča-režučaj i koluča-režučaj chałodnaj zbroi.
Minskaja abłasnaja mytnia pačała administracyjny praces u adpaviednaści z Kodeksam ab administracyjnych pravaparušeńniach, a šablu kanfiskavali da rašeńnia suda.
Čytajcie taksama:
Inšaziemcy patajemna pieravozili praź miažu 150 tysiač dalaraŭ