Ułaśnik doma zdahadaŭsia pra kradziež, pabačyŭšy pierastaŭlenyja tepci
U kancy listapada minułaha hoda ŭ Naraŭlanski RAUS pastupiła paviedamleńnie ab kradziažy majomaści ŭ ahraharadku Kiraŭ.
Ułaśniki źmianili miesca žycharstva i kala dvuch miesiacaŭ nie źjaŭlalisia pa raniejšym adrasie.
Kali pryjechali pravieryć svoj dom, akramia niedachopu niekatorych rečaŭ, źviarnuli ŭvahu na abutak, jaki znachodziŭsia nie na miescy
Ź miesca złačynstva byli ŭziatyja trykatažnyja palčatki, ślady abutku, ślady ruk i niedakurak.
Z tepciaŭ, jakija naležali kiraŭniku siamiejstva, uziali pachavyja ślady.
Pa padazreńni ŭ ździajśnieńni złačynstva supracoŭniki milicyi zatrymali miascovaha žychara. Złodziej (u minułym mužčyna byŭ nieadnarazova sudzimy za ŭčynieńnie majomasnych złačynstvaŭ) svaju vinu admaŭlaŭ. Ale ekśpiertyza pakazała advarotnaje.
Ekśpierty ŭstanavili supadzieńnie pachavaha śledu ź miesca zdareńnia z pachavym śledam padazravanaha.