Śledam za ciapličnymi ahurkami pavialičać vytvorčaść i pamidoraŭ
U Biełarusi płanujuć istotna pavialičyć vytvorčaść ciapličnych pamidoraŭ, paviedamili ŭ pres-słužbie ŭrada. Raniej padtrymka ciapličnaj haliny dapamahła całkam zabiaśpiečyć patreby krainy ŭ ahurkach u mižsiezońnie praz ułasnych vytvorcaŭ. Ciapier asnoŭny akcent vyrašyli zrabić na pamidory.
Zdymak ilustracyjny. Fota: «Naša Niva»
U mižsiezońnie 2025/2026 hadoŭ płanujecca amal udvaja pavialičyć vypusk ajčynnych pamidoraŭ — da 71%.
Akramia taho, źbirajucca pašyryć asartymient piercaŭ, bakłažanaŭ, jahad i zialeniva. Dla vytvorcaŭ, jak śćviardžajecca, užo vyrašany šerah finansavych i arhanizacyjnych pytańniaŭ.
Na pradpryjemstvie «DarOrs» zapuścili liniju dla vytvorčaści zialeniva na płoščy 1,4 ha, što dazvolić udvaja pavialičyć vypusk zialeniva i sałaty. Pastaŭki śviežaha zialeniva ŭ kramy prymalnym koštam abiacajuć pačać z 20 lutaha.
Čytajcie taksama:
U Rasii źniščyli kala 150 kiłahramaŭ nasieńnia, uviezienaha ź Biełarusi
Urad padkarektavaŭ sistemu cenavaha rehulavańnia. Asablivaja ŭvaha — na ahurki i pamidory
Urad nazvaŭ hod, kali Biełaruś całkam zabiaśpiečyć siabie «zimovymi» pamidorami