Naŭrocki zajaviŭ, što Polšča pavinna raspracavać ułasnuju jadziernuju zbroju
«My kraina, jakaja znachodzicca niepasredna na miažy ŭzbrojenaha kanfliktu, i my viedajem, jakoje staŭleńnie ahresiŭnaj, impieryjalistyčnaj Rasijskaj Fiederacyi da Polščy».
Karal Naŭrocki. Fota: Mateusz Slodkowski / Getty Images
Polšča pavinna razhledzieć mahčymaść raspracoŭki ŭłasnaj jadziernaj zbroi ŭ śviatle rostu pahrozy z boku Rasii, zajaviŭ prezident Karal Naŭrocki ŭ intervju telebačańniu Polsat News.
«Ja vialiki prychilnik dałučeńnia Polščy da jadziernaha prajekta», — skazaŭ Naŭrocki ŭ intervju, dadaŭšy, što nie moža skazać, ci pačnie Polšča rabotu pa stvareńni ŭłasnaj jadziernaj zbroi i kali heta adbudziecca.
«My kraina, jakaja znachodzicca niepasredna na miažy ŭzbrojenaha kanfliktu, i my viedajem, jakoje staŭleńnie ahresiŭnaj, impieryjalistyčnaj Rasijskaj Fiederacyi da Polščy», — dadaŭ Naŭrocki.
Naŭrocki ŭ intervju Polsat News adznačyŭ, što Polšča pavinna iści šlacham raźvićcia ŭłasnaha jadziernaha patencyjału z zachavańniem usich mižnarodnych praviłaŭ.
Na pytańnie, ci dazvolać ZŠA Polščy ruchacca ŭ hetym kirunku, pakolki Varšava źjaŭlajecca padpisantam Dahavora ab nieraspaŭsiudžvańni jadziernaj zbroi, Naŭrocki adkazaŭ: «Ja hetaha nie viedaju, ale nam treba dziejničać u takim kirunku, kab my mahli pačać pracu».
«Rasija moža ahresiŭna adreahavać na što zaŭhodna», — zajaviŭ prezident Polščy ŭ adkaz na pytańnie pra mahčymyja dziejańni Maskvy ŭ vypadku pačatku raboty nad polskaj jadziernaj prahramaj.