Za piedafiliju aryštavali vykładčyka robatatechniki z Pastavaŭ. Naličyli 17 paciarpiełych
Viktaru Kaduškieviču pahražaje da 13 hadoŭ źniavoleńnia.
Viktar Kaduškievič. Fota: Ok.ru
U milicejskaj spravazdačy ab situacyi z kryminałam u Viciebskaj vobłaści raskazvajecca pra spynieńnie złačynnaj dziejnaści repietytara robatatechniki Viktara Kaduškieviča. Dakumient apublikavany Belpol.
Jak paviedamlaje milicyja, z červienia 2024 da studzienia 2026 hoda Kaduškievič zajmaŭsia ź dziećmi robatatechnikaj. Jamu inkryminujucca dziejańni seksualnaha charaktaru ŭ dačynieńni da 17 niepaŭnaletnich.
«Dziejańni seksualnaha charaktaru» — heta jurydyčnaja farmuloŭka, jakaja tłumačyć, što niepasrednaha zhvałtavańnia dziaŭčat nie było, ale byli lubyja inšyja dziejańni (dotyki da pałavych orhanaŭ, aralny seks ci inšaje).
Z ulikam paŭtornaści Kaduškieviču pahražaje za hetyja złačynstvy ad 5 da 13 hadoŭ źniavoleńnia (č. 2 art. 167 Kryminalnaha kodeksa).
Viktaru Kaduškieviču 39 hadoŭ. Jon pracavaŭ u dziciačym centry RoboLego u Pastavach, jaho vučni ŭdzielničali ŭ respublikanskich spabornictvach i zdabyvali na ich miedali.
Miarkujučy z sacsietak, u Kaduškieviča byli žonka i dzicia, adnak apošnim časam jon byŭ u razvodzie.
Apošni raz Kaduškievič byŭ anłajn «Ukantakcie» 4 studzienia 2026 hoda. Tady ž jaho, vidać, i aryštavali.