Jeŭrasajuz padoŭžyŭ sankcyi suprać Rasii jašče na hod
Jeŭrapiejski sajuz padoŭžyŭ dziejańnie sankcyj suprać Rasii jašče na adzin hod — da 24 lutaha 2027 hoda. Adpaviednaje rašeńnie Rady ES apublikavana ŭ aficyjnym časopisie Jeŭrasajuza.
Zdymak ilustracyjny. Fota: Thierry Monasse/Getty Images
Hetyja abmiežavańni byli ŭviedzienyja 23 lutaha 2022 hoda paśla pryznańnia Rasijaj niezaležnaści tak zvanych «DNR» i «ŁNR» i nakiravańnia vojskaŭ u rehijon. Sankcyi praduhledžvajuć zabaronu dla dziaržaŭ i biznesu krain ES na ekanamičnyja i inšyja kantakty z hetymi terytoryjami.
Akramia taho, asobnym rašeńniem Jeŭrasajuz uvioŭ sankcyi suprać vaśmi rasijskich pradstaŭnikoŭ siłavych struktur i supracoŭnikaŭ kryminalna-vykanaŭčaj sistemy.
U toj ža čas novy, 20‑ty pakiet sankcyj, prymierkavany da 4‑j hadaviny raspačynańnia Rasijaj poŭnamaštabnaj vajny va Ukrainie, uzhadnić hetym razam nie ŭdałosia, bo jaho zabłakavała Vienhryja.
Čytajcie taksama:
Vienhryja nie razbłakuje pryniaćcie 20‑ha pakieta sankcyj da adnaŭleńnia pracy trubapravoda «Družba»
Krainy ES pakul nie zmahli ŭzhadnić źmiest 20‑ha pakieta sankcyj suprać Rasii