Cichanoŭskaja razam z paplečnikami ŭskłała kvietki da pomnika Šaŭčenku

Kiraŭnica Abjadnanaha Pierachodnaha Kabinieta Biełarusi Śviatłana Cichanoŭskaja razam sa svaim namieśnikam Paŭłam Łatuškam i inšymi členami kabinieta ŭskłała kvietki da pomnika Tarasu Šaŭčenku ŭ Varšavie. Cyrymonija adbyłasia ŭ hadavinu pačatku poŭnamaštabnaha ŭvarvańnia Rasii va Ukrainu.

Fota: pres-słužba Śviatłany Cichanoŭskaj

U svaim prynahodnym vystupie Śviatłana Cichanoŭskaja padziakavała ŭkraincam za supraciŭ ahresii, adznačyŭšy, što jany abaraniajuć nie tolki svaju krainu, ale i ŭsiu Jeŭropu. Pavodle jaje słoŭ, Ukraina svaim prykładam demanstruje važnaść zachavańnia niezaležnaści i supraćdziejańnia rasijskaj ahresii, a taksama pakazała śvietu sutnaść ideałohii «ruskaha śvietu».

Fota: pres-słužba Śviatłany Cichanoŭskaj

Taksama Cichanoŭskaja źviarnułasia da biełarusaŭ, jakija na praciahu čatyroch hadoŭ padtrymlivajuć Ukrainu: da ŭdzielnikaŭ biełaruskich padraździaleńniaŭ, vałancioraŭ i pradstaŭnikoŭ dyjaspary, jakija dapamahajuć ukrainskim vajskoŭcam i mirnym žycharam. Asobna jana padkreśliła, što hetyja ludzi faktyčna źjaŭlajucca pradstaŭnikami Biełarusi va Ukrainie.

Cichanoŭskaja zajaviła, što biełarusy i ŭkraincy bačać svaju budučyniu ŭ Jeŭropie, i vykazała padziaku kiraŭnictvu Ukrainy za padobnaje bačańnie. Pavodle jaje słoŭ, uschodniaja miaža Jeŭropy prachodzić pa ŭschodniaj miažy Biełarusi.

Kamientary da artykuła