Biełaruski dalnabojščyk sprabavaŭ pravieźci ŭ Litvu cyharety, zapakavaŭšy ich u matrac

25 lutaha ŭ punkt propusku «Miedniki» prybyła fura pad kiravańniem hramadzianina Biełarusi. Padazreńnie ŭ litoŭskich mytnikaŭ vyklikaŭ nie hruz, a matrac u kabinie kiroŭcy. Padčas pravierki vyśvietliłasia, što ŭnutry jaho byli schavanyja pački cyharet, paviedamlaje litoŭskaja mytnaja słužba.

U vyniku mytniki kanfiskavali 9400 cyharet ahulnym koštam 2326 jeŭra, a taksama ciahač z paŭpryčepam, jaki acanili ŭ 15 390 jeŭra. U dačynieńni da kiroŭcy składzieny administracyjny pratakoł.

Kamientary da artykuła