«Biełavija» sioleta pačnie lotać u Bachrejn, Tunis i na Maldyvy

Avijakampanija «Biełavija» ahučyła novyja kirunki palotaŭ na 2026 hod. Pra płany paviedamiŭ kiraŭnik avijakampanii Ihar Čarhiniec padčas pres-kanfierencyi.

Zdymak ilustracyjny. Fota: lookby.media

Płanujecca adkryć pramyja rejsy ź Minska na Maldyvy i ŭ Bachrejn, a taksama adnavić paloty ŭ Tunis i Iardaniju.

Pa słovach kiraŭnika kampanii, rejsy na Maldyvy mohuć startavać u žniŭni. Niahledziačy na toje, što adpačynak tam darahi, popyt na hety kirunak jość. U Bachrejn paloty źbirajucca zapuścić z kanca sakavika. Razhladajecca i mahčymaść pryciahnuć pasažyraŭ, jakija nakiroŭvajucca ŭ Saudaŭskuju Araviju.

Palotnaja prahrama ŭ Iardaniju pavinna adnavicca ŭžo 19 sakavika. Krychu paźniej «Biełavija» viernie rejsy ŭ Tunis. Akramia taho, u mai kampanija płanuje adkryć paloty ŭ Dananh — kurort u centralnaj častcy Vjetnama. Hety napramak zamienić rejsy ŭ Fukuok.

Ciapier samaloty «Biełavii» vykonvajuć rejsy ŭ 18 krain śvietu.

Kamientary da artykuła