Zialenski: MZS rychtuje kandydatury na pasadu śpiecpradstaŭnika pa Biełarusi
Prezident Ukrainy paviedamiŭ, što Ministerstva zamiežnych spraŭ rychtuje kandydatury na pasadu śpiecyjalnaha pradstaŭnika pa Biełarusi. Raniej heta pytańnie jon abmiarkoŭvaŭ sa Śviatłanaj Cichanoŭskaj.
Uładzimir Zialenski z Paŭłam Klimkinym
U viačernim zvarocie 27 lutaha Uładzimir Zialenski raskazaŭ, što pravioŭ razmovu z byłym ministram zamiežnych spraŭ Paŭłam Klimkinym pra dalejšuju dypłamatyčnuju pracu. Płanujecca ŭzmacnić niekatoryja napramki ŭ Jeŭropie i za jaje miežami.
Ukrainski prezident padkreśliŭ, što intaresy Ukrainy pavinny być pradstaŭlenyja jak na aficyjnym uzroŭni, tak i ŭ supracoŭnictvie z supolnaściami tych krain, dzie niama poŭnaj svabody abo adčuvajecca ŭpłyŭ Rasii.
Asobna jon adznačyŭ, što MZS padbiraje kandydataŭ na pasadu śpiecpradstaŭnika pa Biełarusi i biełaruskaj supolnaści ŭ Jeŭropie. Na jaho dumku, Ukrainie patrebnaja bolš aktyŭnaja palityka, bo mienavita aktyŭnaść dziaržavy i jaje hramadzian dazvalaje dasiahać najlepšych vynikaŭ i efiektyŭna abaraniać nacyjanalnyja intaresy.
Kankretnych proźviščaŭ mahčymych kandydataŭ kiraŭnik ukrainskaj dziaržavy nie nazvaŭ.
Čytajcie taksama:
Zialenski: Kab vyzvalać biełaruskich palitviaźniaŭ, treba znajści, na kaho ich pamianiać
Cichanoŭskaja vitała ŭviadzieńnie Zialenskim sankcyj suprać Łukašenki