Tramp: Chamieniei, adzin z samych lichich ludziej u historyi, miortvy
Prezident ZŠA Donald Tramp u dopisie ŭ svajoj sacsietcy Truth Social zaklikaŭ vartavych revalucyi i palicyju «źlicca ź Iranskimi Patryjotami i viarnuć Krainie Vielič, jakoj jana zasłuhoŭvaje».
Donald Tramp. Fota: Chip Somodevilla / Getty Images
Jon taksama paabiacaŭ praciahvać «baraćbu za mir» stolki, kolki spatrebicca:
«Masiravanyja i kropkavyja bambardziroŭki buduć praciahvacca bieśpierapynna ceły tydzień abo stolki, kolki spatrebicca, dla dasiahnieńnia MIRU NA ŬSIM BLIZKIM USCHODZIE I VA ŬSIM ŚVIECIE».
Raniej paviedamlałasia, što viarchoŭny lidar Irana ajatała Ali Chamieniei zabity, jaho cieła nibyta znajšli ŭ jaho razburanaj rezidencyi. Pra heta paviedamlała Reuters sa spasyłkaj na vysokapastaŭlenaha čynoŭnika ŭ Izraili.
Iran aficyjna hetyja paviedamleńni nie paćviardžaje, ale źjaviłasia paviedamleńnie kitajskaha mižnarodnaha vydańnia CGTN, što zvarot Chamieniei da naroda byŭ admienieny ŭ apošni momant. Mahčyma, što źviartacca nasamreč niama kamu.
Čytajcie taksama:
Viarchoŭny lidar Irana ajatała Ali Chamienei zabity, jaho cieła znojdziena — krynicy ŭ Izraili
Padčas udaraŭ pa Tehieranie zahinuli ziać i niaviestka Ali Chamienei
Rezidencyja ajatały Chamienei lažyć u ruinach, što ź im samim — nieviadoma