Vyjšła kniha «Biełarusy ŭ Łatvii (1918—1945)»
Kniha historyka, prafiesara Juryja Hryboŭskaha vyjšła ŭ Biełastoku (vydaŭcy — Biełaruskaje histaryčnaje Tavarystva, fond Kamunikat.org).
Heta 1054 staronki pracy, padrychtavanaj na padstavie šmathadovych pošukaŭ u archivach i biblijatekach Biełarusi, ZŠA, Łatvii, Litvy, Hiermanii, Polščy, Rasii, Čechii i Estonii, paviedamlaje Biełaruski instytut publičnaj historyi.
Kniha pakazvaje historyju biełaruskaj supolnaści na fonie klučavych etapaŭ łatvijskaj historyi: zmahańnia za niezaležnaść, budavańnia demakratyčnaj dziaržavy, ustalavańnia aŭtarytarnaha kiravańnia, a taksama savieckaj i niamieckaj akupacyj. Mienavita ŭ mižvajenny čas Łatvija stała adnym z najvažniejšych asiarodkaŭ biełaruskaha nacyjanalnaha ruchu pa-za miežami radzimy.
Taksama asobna razhladajucca aśpiekty łatvijska-biełaruskich adnosin, jakija raniej amal nie byli sistemna apisanyja; u pradmovie były ambasadar Łatvii ŭ Polščy Jurys Pojkans nazyvaje knihu istotnym unioskam u abiedźvie histaryjahrafii.