Fest u Navahradku. Dzień pieršy

Abnoŭlena.

Śviata adkryvali Siamion Šapira i Pavieł Łatuška. Uvachody na śviatočnyja placoŭki na płoščy i zamčyščy abstalavali turnikietami z punktami nadhladu.

Pieršaja stalica VKŁ prymaje haściej V Fiestyvalu siaredniaviečnaj kultury «Navahradski zamak — 2010». Sioleta śviata pryśviečanaje 600-hodździu Hrunvaldskaj bitvy.

Ranicaj na zamčyšča jašče možna było patrapić volna. Tut buduć ładzicca płatnyja mierapryjemstvy.

Ačapleńnie na Zamkavaj hary vystavili za niekalki hadzin da adkryćcia festu.

U rovie pad zamkam źladziać konny turnir. A pakul koniki paśviacca.

Uvachod na śviatočnyja placoŭki tolki praz turnikiety.

Na śviata ŭ Navahradak pryjechali nie tolki rycary.

Teatralizavanaje šeście pa vulicach horadu.

Vitaŭt i Jahajła.

VIP-łoža.

Vystupaje Siamion Šapira.

Pavieł Łatuška.

Vystupy narodnych kalektyvaŭ na siarednieviečnym feście zacikavili niamnohich.

U ramkach festu ŭpieršyniu ŭ Biełarusi prajšoŭ etap Adkrytaha Kubka Jeŭropy pa histaryčnam fiechtavańni.

© Fota «Naša Niva»

U Navahradku pačynajecca fest siaredniaviečnaj kultury «Navahradski zamak — 2010». Na śviata čakajecca da 40 tysiač haściej. Na ranišniaj pres-kanfierencyi arhanizatary zajavili, što na fest zarehistravalisia kala 400 udzielnikaŭ rycarskich kłubaŭ ź Biełarusi, Ukrainy, Litvy, Čechii, Rasii i Polščy. Sioletni fest adroźnivajecca ad minułych šeraham navinak. Pa-pieršaje, mierapryjemstvy na zamčyščy buduć płatnyja. Pa-druhoje, uvachody na śviatočnyja placoŭki na haradskoj płoščy i zamčyščy abstalavali turnikietami z punktami nadhladu — znajomaja mienčukam karcina. I pa-treciaje, hetym razam na płoščy budzie hučać nie tolki siaredniaviečnaja muzyka. Na fest zaprasili kalektyvy narodnaj muzyki. Dla mnhoich pryjemnym siurpryzam stanie vystup dueta «Alaksandra i Kanstancin».

Na adkryćci fiestyvalu prysutničaŭ pradstaŭničy desant čynoŭnikaŭ i dypłamataŭ. U Navahradak pryjechali ministr kultura Pavieł Łatuška, kiraŭnik Hrodzienskaha abłvykankamu Siamion Šapira, staršynia Hrodzienskaha abłasnoha savieta deputataŭ Andrej Navumovič. Litvu na Hrunvaldskim feście pradstaŭlaŭ pasoł Litvy ŭ Biełarusi Edminas Bahdonas, Polšču — časovy pavierany polskaha dyppradstaŭnictva Vitold Juraš. Byli taksama pradstaŭniki ministerstvaŭ kultury Łatvii i Rasii.

Adkryvajučy fest, Siamion Šapira adznačyŭ, što 600 hod tamu biełarusy supolna z susiedziami «nadoŭha advučyli kryžakoŭ rabić najezdy na našyja ziemli». Vystupaŭ kiraŭnik vobłaści pa-rasijsku. Pavieł Łatuška pryhadaŭ praročyja słovy pra toje, što narod. jaki nie pamiataje svaju historyju, nie maje budučyni. Ministr padkreśliŭ, što biełarusy pamiatajuć usie svaje pieramohi: i 600-hadovaj daŭniny, i 65-hadovaj.

Padrabiazny repartaž na našym sajcie čytajcie paźniej.

Kamientary da artykuła