Litva spadziajecca, što prezidenckija vybary projduć demakratyčna

Aficyjnaja Vilnia spadziajecca, što prezidenckija vybary ŭ Biełarusi projduć demakratyčna, spraviadliva i prazrysta, u adpaviednaści z rekamiendacyjami BDIPČ ABSIE.

Jak paviedamlaje pres-słužba MZS Litvy, ab hetym pradstaŭniki litoŭskich uładaŭ zajavili ŭ ramkach biełaruska-litoŭskich kansultacyj pamiž MZS 28–29 vieraśnia ŭ rajonie Pryjenaj.

Namieśnik ministra Litvy Evałdas Ihnatavičus zajaviŭ, što dla dalejšaha raźvićcia dyjałohu pamiž Jeŭrasajuzam i Biełaruśsiu «nieabchodnyja kankretnyja kroki biełaruskaha ŭrada ŭ śfiery pravoŭ čałavieka i ŭmacavańnia demakratyi».

Baki adznačyli, što dvuchbakovyja adnosiny raźvivajucca dynamična i ŭ kanstruktyŭnym klučy, źjaŭlajucca novyja mahčymaści dla supracoŭnictva ŭ ramkach palityki ES «Uschodniaje partniorstva», u halinie transpartu, enierhietyki i inšych halinach.

U liku tych, chto pradstaŭlaŭ biełaruski bok, — namieśnik ministra zamiežnych spraŭ Valeryj Varaniecki.

Kamientary da artykuła