Łukašenka: Abamu moža spaścihnuć los Kienedzi
Ciapierašniaha prezidenta ZŠA Baraka Abamu moža spaścihnuć los Džona Kienedzi, zajaviŭ Alaksandr Łukašenka ŭ intervju haziecie The Washington Post.
Pavodle słoŭ biełaruskaha kiraŭnika, jon dobraj dumki ab Abamie, ale tamu nie dajuć pracavać. «Ja maju na ŭvazie nie tolki respublikancaŭ, ale i biźniesmienaŭ, peŭnuju častku siłavych struktur. Nie dumaju, što Abama chacieŭ by paŭtaryć los Kienedzi.
Kali Abama budzie realizoŭvać svoj kurs, pravilny, darečy, kurs,
pra jaki jon zajaviŭ, i budzie dziejničać vielmi radykalna, u intaresach bolšaści nasielnictva, heta moža nie spadabacca inšym radykalnym hrupam, jakija mohuć — vy heta nie možacie asprečyć i vyklučyć — paŭtaryć padobny scenaryj. U vas ža heta było i nie adzin raz u dačynieńni da palitykaŭ», — skazaŭ Łukašenka.
Džon Kienedzi byŭ zabity ŭ 1963 hodzie. Na prezidenckaj pasadzie jon prabyŭ mienš jak try hady.