Jeŭra abnaviŭ histaryčny maksimum i dasiahnuŭ 4298 rubloŭ
Rasijski rubiel taksama dabraŭsia da rekordu — 107,22 rubla.
Pavodle vynikaŭ tarhoŭ na Biełaruskaj valutna-fondavaj biržy
kurs jeŭra vyras na 22 rubli i skłaŭ 4298,75 rubla za jeŭra. Heta histaryčny maksimum, papiaredni rekord byŭ ustalavany ŭ listapadzie 2010 hoda.U abmieńnikach kurs prodažu pieravalvaje za 4400 rubloŭ.
Tarhi dalaram, jak i u papiarednija dni, byli adznačanyja nulavym popytam. Nacbank jašče try tydni nie budzie zadavolvać zajaŭki kamiercyjnych bankaŭ. Tym nie mienš kurs źniziŭsia na adzin rubiel i skłaŭ 3019 rubloŭ za dalar.
Pry niaznačnym padzieńni rasijskaha rubla - ciapier jon kaštuje 107,22 biełaruskaha rubla, valutny košyk vyras da 5,85% ad pačatku hoda. Nacbank usio bližej padbirajecca da miažy dazvolenaha 8%-aha devalvacyjnaha kalidora.