Ad 31 sakavika bienzin daražeje jašče na 10—11%

Papiaredniaje padaražańnie adbyłosia mienš za miesiac tamu. Novyja ceny — dyziel za 3150 rubloŭ, AI-92 za 3300.

U «Biełnaftachimie» padpisany zahad № 114 ad 29 sakavika ab čarhovym padaražeńni bienzinu. Roźničnyja ceny na paliva vyrastuć bolš čym na 10% užo z 31 sakavika.

Viestka pra padaražeńnie paliva ŭtvaryła čerhi kala zapravak.

Spačatku hetuju infarmacyju apublikavali błohiery, a tady jaje paćvierdziła ahienctva «Interfaks».

Novyja ceny składuć:

Dyzielnaje paliva — 3150 rubloŭ (było 2850, rost 10,6%)

Narmal-80 — 3150 rubloŭ (było 2850, rost 10,6%)

AI-92 — 3300 rubloŭ (było 3000, rost 10%)

AI-95 — 3750 rubloŭ (było 3400, rost 10,3%).

Pres-sakratarka «Biełnaftachima» Maryna Kaściučenka nie paćvierdziła infarmacyju, jak zaŭždy i adbyvajecca ŭ takich vypadkach. «Kali padaražańnie adbudziecca, my vystavim hetuju infarmacyju na sajcie», — zajaviła jana.

Učora ž Nacbank paviedamiŭ pra farmavańnie paralelnaha kursu abmiena rubla dla pradpryjemstvaŭ na pazabiržavym rynku. Jon dazvoleny na 10% bolšy, čym kurs dla nasielnictva.

Na minskich zapraŭkach vystrailisia doŭhija čerhi — z 31 sakavika roźničnyja ceny na paliva vyrastuć bolš čym na 10%. Navat na nievialikich AZS, jak, naprykład, na pierasiačeńni vulic Kazłova i Płatonava, u čerhach čakajuć pa niekalki dziasiatkaŭ aŭto. «Poŭny bak, kali łaska» — hetaja prośba najbolš časta hučyć siońnia na minskich AZS.

Hladzi jašče: Fotafakt: Biełarusy zapraŭlajucca pierad čarhovym padaražańniem paliva

Kamientary da artykuła