Usich zatrymanych u Breście adpuścili biez składańnia pratakołaŭ
Usich zatrymanych viečaram 15 červienia ŭ Breście padčas maŭklivaj akcyi pratestu adpuścili ź milicyi biez składańnia pratakołaŭ.
Jak paviedamiŭ BiełaPAN pravaabaronca Raman Kiślak, z 19.00 da 19.25 na płoščy Lenina, dzie prachodziła akcyja, supracoŭniki milicyi zatrymali 10 čałaviek. Heta miascovyja aktyvisty arhkamiteta pa stvareńni partyi «Biełaruskaja chryścijanskaja demakratyja» Dźmitryj Šurchaj i Arciom Pałačanin; aktyvist «Maładoha frontu» (Čechija) Jaŭhien Skrabiec; staršynia Bresckaj haradskoj arhanizacyi BSDP (Hramada) Hanna Kanius i aktyvist hetaj partyjnaj struktury Andrej Vaŭčok; brescki kaardynatar ruchu «Za Svabodu» Dzianis Turčaniak; karespandent «Briestskoj haziety» Stanisłaŭ Koršunaŭ; fotakarespandent sajta «Virtualny Brest» Dźmitryj Bosak; niezaležny žurnalist Michaił Iljin i brestaŭčanin Suchanos.
U aŭtazaku ich dastavili ŭ Leninski RAUS Bresta. U rajadździele milicyi ŭ ich pravieryli dakumienty, źniali na videa, u Hanny Kanius uziali adpiačatki palcaŭ.
U 20.20 pieršymi adpuścili Kanius i Koršunova. Zatym pačali adpuskać inšych. Da 20.45 byli adpuščany ŭsie.
«Usie hetyja zatrymańni źjaŭlajucca advolnymi. Ludzi prosta znachodzilisia na płoščy, i realna niemahčyma identyfikavać udzielnikaŭ akcyi, tamu što jana prachodziła biez
Jon padkreśliŭ, što akcyja, jakaja prajšła ŭ takim farmacie, nie traplaje pad dziejańnie zakona «Ab masavych mierapryjemstvach».