Pačatak testavańnia byŭ azmročany ŭ Stolinskim rajonie trahiedyjaj
Mikraaŭtobus sa Stolinskaha rajona, na jakim vieźli dziaciej na testavańnie ŭ Pinsk, trapiŭ u avaryju. Za rulom znachodziłasia žančyna, jakaja viezła svajho syna i jaho siabroŭ na centralizavanaje testavańnie.
Kala vioski Kałodnaje kiroŭca stała abhaniać vielikahruznuju furu, ale vynikam stała łabavoje sutyknieńnie ź lehkavoj mašynaj "Audzi", što jechała nasustrač.
Kiroŭca i pasažyry mikraaŭtobusa atrymali tolki nievialikija ŭdary, a voś dla siamiejnaj pary ź lehkavika pajezdka abiarnułasia trahiedyjaj. 51-hadovy kiroŭca ŭ ciažkim stanie dastaŭleny ŭ balnicu, jaho žonka zahinuła na miescy.
Darečy, na pieršaje testavańnie — pa biełaruskaj movie — nie źjavilisia kala tysiačy abituryjentaŭ. Budziem spadziavacca, što nie va ŭsich pačatak šlachu ŭ darosłaje žyćcio byŭ takim trahičnym.